ಪ್ರೀತಿ ಹುಟ್ಟಿದ ಸಮಯ.....

ಒಲವೇ ನಿನ್ನ ಚೆಲುವ ಚೆಲ್ಲಿ

ದೋಚಿದೆ ನನ್ನ ಹೃದಯ....

ದೋಚಿದ ಹೃದಯದಲಿ ನೀ

ಸುರಿಸಿದೆ ಪ್ರೀತಿಯ ಮಳೆಯ....

ನಿನ್ನ ನೋಟದಲಿ ಅಡಗಿತ್ತು

ಅರಿಯದ ಮೂಕ ವಿಸ್ಮಯ....

ಆ ಕಣ್ಣಿನ ನೋಟಕೆ ಸಿಲುಕಿ

ನನ್ನ ಮನವಾಯಿತು ತನ್ಮಯ....

ಮರು ಕ್ಷಣದಲೇ ನನಗಾಯಿತು

ನಿನ್ನ ಹೃದಯದ ಪರಿಚಯ....

ನಮಿಬ್ಬರ ಮದ್ಯೆ ನಡೆದಿತ್ತು

ಸ್ನೇಹ ಪ್ರೀತಿಯ ಪರಿಣಯ....

ನಮ್ಮಿಬ್ಬರ ಭಾವನೆಗಳು

ಒಂದಾಗಿ ಸೇರಿದ ಸಮಯ....

ತಿಳಿಸಿದೆ ನಾನು ನಿನಗೆ

ನನ್ನಂತರಾಳದ ಪ್ರೀತಿಯ....

ಮರೆಯಾಗುವ ಬಾ.....

ಕರಗುವ ಹನಿಗಳ ಜೊತೆಯಲಿ

ಕುಣಿಯುವ ಬಾ ಮಳೆಯಲಿ.....

ಸುರಿಯುವ ಮುಂಜಾನೆ ಮಂಜಲಿ

ಬಚ್ಚಿಡುವೆ ನಿನ್ನ ಈ ಎದೆಯಲಿ.....

ಪ್ರೀತಿಯ ಅಲೆಗಳ ಮಡಿಲಲಿ
ತೇಲುವ ಬಾ ನೆನಪಿನ ದೋಣಿಯಲಿ.....
ಹೃದಯ ಬರೆದ ಕವಿತೆಯಲಿ
ಮರೆಯಾಗುವ ಬಾ ಸವಿಗನಸಲಿ.....

ಗೆಳೆಯ

ಬೆಳದಿಂಗಳಲಿ ಕುಳಿತು ಆ ಚಂದ್ರನ ಕಂಡಾಗ
ನನ್ನ ಮನದಲ್ಲಿ ಪ್ರಶ್ನೆಯೊಂದು ಕಾಡಿದಾಗ
ಅವನನ್ನು ಕೇಳಿದೆ ಯಾರಿಗಾಗಿ ಈ ಬೆಳದಿಂಗಳೆಂದು
ಹೇಳಿದ ಅವನು, ತಾನು ಪ್ರೀತಿಸುವ ಭೂಮಿಗಾಗಿ ಎಂದು

ಮತ್ತೆ ಕೇಳಿದೆ ನಾ, ಎಷ್ಟು ದಿವಸ
ಸಿಗದ ಭೂಮಿಯ ಸುತ್ತ ತಿರುಗುವೆ ಎಂದು...?
ಮರು ಪ್ರಶ್ನೆ ಹಾಕಿದ ಅವನು, ನಾ ಎಷ್ಟು ದಿವಸ
ಸಿಗದ ಪ್ರೀತಿಗಾಗಿ ನೋವಿನಲ್ಲಿ ಕಾಯುವೆನೆಂದು...?

ಉತ್ತರ ಹೇಳಲಾಗದೆ ತಬ್ಬಿಬ್ಬಾದೆ ನಾನು
ನನ್ನ ಕಂಡು ನಗುತ ಹೇಳಿದ ಅವನು
ಇದೆ ಪ್ರೀತಿಯ ಹುಚ್ಚುತನವೆಂದು
ಈ ಹುಚ್ಚುತನವೇ ಪ್ರೀತಿಯೆಂದು.....

ನೋವಿನಲ್ಲಿಯು ನಗುತ ಬೆಳದಿಂಗಳ ಚೆಲ್ಲಿ
ಭೂಮಿಯ ಪ್ರೀತಿಸುವ ಪರಿ ಕಂಡು
ಅನಿಸಿತು ನನಗೆ ಪ್ರೀತಿಯ ಪಯಣದಲ್ಲಿ
ಎನಗೂ ಒಬ್ಬ ಸ್ನೇಹಿತ ಇರುವನೆಂದು.....

ಪ್ರೀತಿ

ಮನದಾಳದ ಮಾತಿಗೆ,
ಹೃದಯದಾಳದ ಬಡಿತವಾಗಿ,
ಉದಯಿಸಿತು ಈ ಪ್ರೀತಿ.....

ಅವಳ ಕಣ್ಣೋಟಕೆ ಸಿಲುಕಿ,
ಕನಸಿನ ಲೋಕದಲಿ ಅಲೆದಾಗ,
ಎದುರಾದ ಮಧುರ ಕನಸು ಈ ಪ್ರೀತಿ.....

ಅವಳ ಅಂದಕೆ ಶರಣಾಗಿ,
ನನ್ನ ಮಾತೆಲ್ಲ ಮೌನವಾದಾಗ,
ಮೂಡಿದ ಸವಿ ಭಾವ ಈ ಪ್ರೀತಿ.....

ಅವಳ ತುಂಟ ನಗುವಿನಲ್ಲಿ,
ನಾ ಮರೆಯಾದ ಕ್ಷಣಗಳ ನೆನೆಯುತ,
ಮುಂದೆ ಸಾಗುವ ಪರಿಯೇ ಈ ಪ್ರೀತಿ.....

ಕಾಯುತಿರುವೆ ನಿನಗಾಗಿ......

ಸಿಗದ ಪ್ರೀತಿಯ ಕಡೆಗೆ
ಸಾಗುತಿದೆ ನನ್ನೊಲವಿನ ಪಯಣ....
ಮರೆಯಲಾಗದ ಆ ಕ್ಷಣಗಳಿಗೆ
ಸೋತಿದೆ ನನ್ನ ಈ ಮನ....

ಸುತ್ತಲು ಸುಳಿಯುವ ನೆನಪುಗಳಿಗೆ
ಶರಣಾಗಿದೆ ನನ್ನ ಒಂಟಿತನ....
ನೀ ಬಿಟ್ಟು ಹೋದ ಕನಸುಗಳಿಗೆ
ಅರ್ಪಿಥವಾಗಿದೆ ನನ್ನ ಈ ನಯನ....

ನೀ ದೂರಾದ ಹಾದಿಯಲ್ಲಿ
ಮೌನದಿ ಸಾಗಿದೆ ಜೀವನ....
ನೀ ಬರುವ ದಾರಿಯ
ಕಾಯುತ ಕುಳಿತಿದೆ ಈ ಪ್ರಾಣ....

प्यार होगया है ..

प्यार होगया था हमे उनसे
उनकी खूबसूरत चेहरा से
उनकी काली काली जुल्फों से
उनकी झील सी आँखों से ॥

प्यार होगया था हमे उनसे
उनकी मीठी आवाज़ से
उनकी हस्ते हुए होठों से
उनकी हर अदाओं से ॥

प्यार करते करते ही रह गए,
जब उनको बताना चाह
तो चले गए थे वो
हमे अकेला छोडके ॥

अब प्यार हो गया है हमे
उनकी हर यादों से
उनके साथ बीते हुए
हर एक लम्हों से ॥

ಹೃದಯ ಮಿಡಿತ

ಈ ಹೃದಯದ ಮಿಡಿತವು
ಮೌನ ಕವಿತೆಯಾಗಿ ಹೊರಬರಲು.....

ನನ್ನಲಿ ಅಡಗಿರುವ ಪ್ರೀತಿಯು
ಮಕರಂದವಾಗಿ ಹೊಮ್ಮುತಿರಲು.....

ಚಂದಿರ ಚೆಲ್ಲಿದ ಬೆಳದಿಂಗಳಲಿ
ನಿನ್ನ ನೆನಪುಗಳು ಕಮಲವಾಗಿ ಅರಳುತಿರಲು.....

ರೋಮಾಂಚನಗೊಂಡ ಈ ಮನಸಿನ
ಒಡನಾಟಕೆ ನೀ ಜೊತೆಯಿರಲು.....

ನಿನ್ನ ಪ್ರೀತಿಯ ಲೋಕದಲ್ಲಿ ಮರೆಯಾದೆ ನಾನು
ನನ್ನೆದೆಯ ಅರಮನೆಗೆ ರಾಣಿಯಾಗಿ ಉಳಿದೆ ನೀನು....

Happy Valentines Day..............:-)

ಮನಸು ಮೌನವಾಗಿದೆ
ಮಾತು ಮರೆತುಹೋಗಿದೆ.....
ನಿನ್ನ ಸುಂದರ ನೆನಪುಗಳಲ್ಲಿ
ಮನಸು ಮುಳುಗಿ ಹೋಗಿದೆ.....

ಕಣ್ಣುಗಳು ನಿನ್ನ ನೋಡಲು
ಕಂಬನಿಯಲ್ಲಿ ನಿನಗಾಗಿ ಕಾದಿದೆ.....
ಉಸಿರು ನಿನ್ನ ಹೆಸರು ಕೂಗಲು
ಉಸಿರು ಹಿಡಿದಿಟ್ಟು ಕಾದಿದೆ.....

ನಿನ್ನ ಕನಸನ್ನು ಕಾಣುವ ಕಣ್ಣಿಗೆ
ಕಂಬನಿಯನ್ನೇಕೆ ನೀ ಕೊಟ್ಟೆ.....?
ನಿನ್ನನೆ ಪ್ರೀತಿಸಿದ ಈ ಹೃದಯಕೆ
ನೋವನ್ನೇಕೆ ನೀ ಇಟ್ಟೆ.....?

ಒಮ್ಮೆಯಾದರೂ ನೀ ಬರುವೆ ಎಂದು
ಸಣ್ಣ ಆಸೆಯೊಂದು ಮೂಡಿದೆ.....
ಆ ಆಸೆಗೆ ಜೀವ ತುಂಬಿ
ಮನಸು ಹೃದಯ ನಿನಗಾಗಿ ಕಾದಿದೆ.....

ನಿನ್ನ ಸನಿಹ

ನನ್ನ ಸನಿಹ ನೀನು ಬರಲು
ನನ್ನ ಮಾತು ಮೌನವಾಯಿತು,
ನಿನ್ನ ಕಣ್ಣ ನೋಡುತಿರಲು
ನನ್ನ ಕಲ್ಪನೆಯೇ ಕರಗಿಹೋಯಿತು.....

ನಿನ್ನ ನಗುವ ಕಂಡ ಕ್ಷಣವು
ನನ್ನ ಮನವು ನಿನ್ನದಾಯಿತು,
ನಿನ್ನ ಅಂದ ಹೊಗಳಲು ಚಂದ

ಪದಗಳೇಕೋ ಸಾಲದೇ ಹೋಯಿತು.....

ಒಂದು ಬಾರಿ ನನ್ನ ಸೇರಿ
ಹೃದಯ ಮಿಡಿತವ ಕೇಳು ಬಾರೆ,
ನನ್ನ ಮೌನ ಗೀತೆಯಲ್ಲಿ
ಪದಗಳಾಗಿ ಬೆರೆಯ ಬಾರೆ.....

ಹೇಳು ನೀನು ಒಂದು ಮಾತು
ನೀನೆ ನನ್ನ ಪ್ರೀತಿಯೆಂದು,
ನನ್ನ ಹೃದಯ ಬರೆದುಕೊಟ್ಟು
ನಿನ್ನ ಸನಿಹ ಇರುವೆ ನಾ ಎಂದೆಂದೂ.....

Will be with you forever and ever and ever.....

ನೆನಪು......

ನೆನಪಾಗುವುದು ನಿನ್ನ ಸವಿ ಸ್ಪರ್ಶ
ಈ ತಂಗಾಳಿ ಸೋಕಿದಾಗ.....
ನೆನಪಾಗುವುದು ನಿನ್ನ ಕಣ್ಣುಗಳು
ಆ ಚುಕ್ಕಿಗಳ ನಾ ನೋಡಿದಾಗ.....

ನೆನಪಾಗುವುದು ನಿನ್ನ ನಗುವು
ಅರಳುವ ಹೂವನ್ನು ನೋಡಿದಾಗ.....
ನೆನಪಾಗುವುದು ನಿನ್ನ ತುಂಟ ತನ
ಪುಟ್ಟ ಮಗುವನ್ನು ನೋಡಿದಾಗ.....

ನೆನಪಾಗುವದು ಆ ಕ್ಷಣಗಳು
ಪ್ರತಿಸಾರಿ ಈ ಹೃದಯ ಮಿಡಿದಾಗ.....
ಜೊತೆಯಾಗುವುದು ನಿನ್ನ ನೆನಪುಗಳು
ಒಂಟಿಯಾಗಿ ಜೀವನದಲ್ಲಿ ನಾ ಸಾಗುವಾಗ.....