ಆಸೆ ......

ಜೀವದ ಕಡಲಲ್ಲಿ

ಮೌನದ ಅಲೆಗಳಾಗಿ

ಮೀಟುತಿರುವಳು ಅವಳು.....

ಆ ಮೌನದ ಹಾಡಿನಲಿ

ರಾಗವಾಗಿ ಬೆರೆಯುವ ಆಸೆ ನನ್ನದು......

ಹೃದಯದ ಹಾದಿಯಲ್ಲಿ

ಒಲವಿನ ಹೂವಾಗಿ

ನಗುತಿರುವಳು ಅವಳು ......

ಆ ಹೂವಿನೆದೆಯಲ್ಲಿ

ಮಧುವಾಗಿ ಸೇರುವ ಆಸೆ ನನ್ನದು......

ಮನದ ಮುಗಿಲಿನಲ್ಲಿ

ಪ್ರೀತಿಯ ಹನಿ ತುಂಬಿದ

ಚಲಿಸುವ ಮೇಘ ಅವಳು......

ಮೇಘಗಳ ಮಧ್ಯೆ ನಾ ಮಿಂಚಂತೆ ಬಂದು

ಕ್ಷಣವಾದರೂ ಅವಳ ಜೊತೆ ಕಳೆಯುವ ಆಸೆ ನನ್ನದು......

ಕಣ್ಣುಗಳ ಕಾರಂಜಿಯಲ್ಲಿ

ಸವಿ ಕನಸುಗಳಾಗಿ

ಕುನಿಯುತಿರುವಳು ಅವಳು......

ಆ ಕನಸುಗಳಿಗೆ ಕಾಮನಬಿಲ್ಲಿನಂತೆ

ರಂಗು ಚೆಲ್ಲುವ ಆಸೆ ನನ್ನದು .......

ಕಮಲ

ನನ್ನವಳು ಎಲ್ಲರು ಇಷ್ಟ ಪಡುವ ರೋಜಾ ಹೂವಲ್ಲ,

ನಾ ಪ್ರೀತಿಸುವ ನೀಲಿ ಕಮಲ ಅವಳು.

ಆ ಹೂವ ಪಡೆಯುವ ಆಸೆಯಿಂದ,

ಪ್ರೀತಿಯ ನೀರಲಿ ಧುಮುಕಿದೆ,

ಈಜು ಬರದ ನಾನು ಆ ನೀರಿನಲ್ಲೇ ಮುಳುಗಿದೆ,

ಆ ಹೂವಿನ ಬೇರಿನಲ್ಲಿ ಮಣ್ಣಾಗಿ ನಾ ಸೇರಿದೆ,

ಆ ಹೂವಿನ ನಗೆಯಲ್ಲಿ ನಗುತ ನಾ ಮರೆಯಾದೆ.

ಯಾರು ಬರಲಿಲ್ಲ ನನ್ನ ಹುಡುಕಲೆಂದು,

ಆ ಹೂವು ಬಿಟ್ಟು ಹೋಯಿತು ನನನ್ನು ಬೇಡ ಎಂದು,

ಅಲ್ಲಿಯೇ ಕಾದಿರುವೆ ಆ ಹೂವು ಒಮ್ಮೆಯಾದರು ನನಗಾಗಿ ಬರುವುದೆಂದು,

ಕಾದು ಸೋತಿರುವೆ ಈ ಜೀವನದಲ್ಲಿ ಇಂದು,

ಆದರು ನನ್ನ ಪ್ರೀತಿ ಸಾಯದು ಎಂದೆಂದೂ...

ಮೌನ ....

ಮೌನದಿ ನಿನ್ನ ನೋಡಿದೆ,
ಮೌನದ ಪ್ರೀತಿ ಮಾಡಿದೆ,
ಮೌನದ ಆ ಮುದ್ದು ನಗುವನು,
ಮೌನದಿ ಕಂಡು ಬೆರಗಾದೆ,

ಮೌನದಿ ಮನಸು ನಾ ಕೊಟ್ಟೆ,
ಮೌನದ ಹೃದಯ ನಿನಗೆ ಬರೆದಿಟ್ಟೆ,
ಮೌನದ ಆ ನೆನಪುಗಳಲ್ಲೇ,
ಮೌನದಿ ಜೀವನ ಸಾಗಿದೆ...

ಮನವೆಂಬ ಮುಗಿಲಿನಲ್ಲಿ,
ಆಸೆಯೆಂಬ ಮೋಡವು ಕರಗಿ,
ನನ್ನ ಪ್ರೀತಿ ಎಂಬ ಹನಿಗಳು,
ನಿನ್ನ ಜೀವದ ಕಡಲಲ್ಲಿ ಇರುವ,
ಹೃದಯದ ಚಿಪ್ಪಿನಲ್ಲಿ,
ಸ್ವಾತಿ ಮುತ್ತಾಗಿ ಇರಲಿ,
ಚಿರ ಕಾಲ, ಚಿರಕಾಲ .........